Gwych o albwm gan berson hyfryd a cherddor a chantores dawnus tu hwnt. Llongyfarchiadau Lleuwen a Vincent ac edrychwn ymlaen am gynhyrchiad tra gwahanol gan Lleu yn 2012 - Mae hi a Lan yn disgwyl eu plentyn cyntaf.

http://www.sainwales.com/cy/store/gwymon/gwymon-cd014

Meddwl y baswn i'n rhannu ychydig o uchafbwyntiau eleni. Tydi o ddim mewn unrhywfath o drefn
iPad!!
Dwi am ddechrau yn y diwedd efo anrheg dolig a phenblwydd hwyr gan fy rhieni a fi'n hun. Tydi'r bandeang di-wifr ddim yn gyflym iawn yn tŷ ni (hanner meg), mae fy iphone yn cysylltu'n well ar FON na drwy'r hub cartref gan BT ond ar ôl pendronni a chwenychu a hel arian am yn hir, ers Rhagfyr 29ain mae gen i un!

Wedi ffeindio bod hwn hefyd ddim ond yn cysylltu adra drwy FON ac oherwydd diffyg cyflymder tydi o ddim yn bosib gwylio fideo yn hawdd ond heblaw hynny dwi wrth fy modd! Mae'n grêt i ddilyn ryseitiau yn y gegin, i ddarllen a syrffio a dwi di cael yr ap Kindle a di prynu un llyfr o wasg Y Lolfa yn barod. (Paid a phoeni Eirian, dwi ddim am stopio prynu rhai o'r siop!)

Mae gorfod dysgu hwn i sgwennu'n Gymraeg yn mynd ar fy nerfau chydig ond dwi'n cofio gwneud run peth efo'r ffôn stalwm ac mae hwnnw'n rêl boi bellach!

<object><param /><param /><param /><embed allowfullscreen="true" src="http://static.issuu.com/webembed/viewers/style1/v1/IssuuViewer.swf" type="application/x-shockwave-flash" flashvars="mode=embed&amp;layout=http%3A%2F%2Fskin.issuu.com%2Fv%2Flight%2Flayout.xml&amp;showFlipBtn=true&amp;documentId=110615144051-cdd1fe0242f1429db189541d71d55815&amp;docName=sioe_fach_y_patsh&amp;username=Byw-yn-yr-Ardd&amp;loadingInfoText=Sioe%20Fach%20y%20Patsh&amp;et=1308170113743&amp;er=84" /></object>Open publication - Free publishing - More byw yn yr ardd

Help! Dwi'm yn siwr iawn sit i iwsio hwn,,,

Tydyn nhw ddim yn sgidia newydd go iawn. Ges i nhw o BHF dre lot yn ôl. Dwi di gwisgo nhw unwaith yn tŷ. Dolig. Am dipyn. Es i a nhw efo fi wsos dwytha i wisgo efo'n ffrog Vivienne Westwood ges i efo Siân yn Efrog newydd ond ches i'm cyfle i newid.
Dwi'm yn meddwl fysa na neb, gan gynnwys fi'n hun, dim balchach. Nid mynd i theatr oeddan ni, naci?
Oedd na rywun yn son bod y theatra'n flin achos bod THGC di penderfyny teithio Deffro'r Gwanwyn i ganolfannau hamdden yn lle theatrau (a nhwythau'n starfio 'lly) Rhywun arall yn dweud bod cynulleidfa newydd, fengach, am ddod i'r mannau 'fwy hygyrch hyn'. Ysgwn i...?
O'm mhrofiad i, yr un hen wynebau welis i yn y gynulleidfa, jest ein bod ni di cael ein taenu dros dair noson. Chydig dros 300 oedd mwyafswm y gynulleidfa dalodd am docyn ym Miwmares debyg - a dwi'n glen iawn efo nifer y comps/teulu am wn i..
Tydi hyn ddim i ddeud nag oedd y cynhyrchiad yn llai na safonol...i'r gwrthwyneb. Ardderchog oedd bron pob agwedd o'r cynhyrchiad. Actorion a chyfarwyddo (wnes i'm nabod Daniel Lloyd fel fo'i hun tan y 'Borstal') a sgript (sy'n gyfieithiad) arbennig.
Beth bynnag yr holl (()) ac ati

Dwy anthem...

O'n i wrthi'n gwrando ar Ffoaduriaid - casgliad caneuon Steve Eaves. Mae Steve wedi cyflwyno'r casgliad er cof am Iwan Llwyd.

Mae na rywbeth am drac ola Cyfalaf a Chyfaddawd, sef 'Cocaine' sy'n f'atgoffa i o Cymru, Lloegr a Llanrwst. O'n i'n meddwl na'r bassline oedd o, ond be wn i am gerddoriaeth? Y riff o'n i'n feddwl mae'n debyg.

Cafodd albwm Steve ei recordio rhwng Mawrth a Mehefin 1985 a thrac Y Cyrff ei ryddhau ar Yr Atgyfodi ym 1989.

Fel soniodd Gareth Potter yn ei sioe Gadael yr Ugeinfed Ganrif, roedd yr hogia lleol wedi 'cipio dychymyg' y gynulleidfa gigs yn Steddfod Llanrwst 1989 efo'r gân. Dyna pryd daeth Y Cyrff 'i'r brig fel grŵp mwyaf poblogaidd Cymru'.

Es i chwilio trwy fy hen records i drio ffeindio'r copi gwreiddiol o'r Atgyfodi. Mae o gen i'n rhywle'n bendant. Wrth weld yr hen feinyls oedd mor bizzare o amrywiol, am ryw 10 munud o'n i nôl yn DJo yng Nghlwb Ifor Bach...
Un wnes i ffeindio oedd EP Ty Gwydr. Ac yn is-deitl i'r gân 'Pobl a Llefydd' mae'r geiriau 'mae'r ias yn y bas'.

Gwir bob gair. Er mai riff oedd o.

Bore ma wnes i bicio i farchnad bwyd lleol yn y Ganolfan, Porthmadog. Dwi'n gobeithio gallu defnyddio cyflenwyr mor lleol a phosib ar gyfer y caffi felly roedd gen i ddiddordeb i weld pwy oedd yno.
Do'n i rioed di bod i'r Ganolfan o'r blaen ac o'n i wrth fy modd i weld yr arwyddio dwyiethog hyfryd o'r 70au (?) ar y drysau. Os fyddan nhw byth yn meddwl newid nhw, fi di'r cynta yn y ciw - ocê?
Roedd y lle'n brysur iawn erbyn cyrraedd y brif ystafell
Cynan a June a'u madarch enwog oedd y bobl cyntaf i nghyfarch efo gwên o groeso. Ges i sgwrs hir a difyr efo Cynan, clywed am un daith lle ffeindiodd o 20kg o ceps a sticio nhrwyn mewn jar gan arogli rhywbeth cryf a sawrus. Waw! Es i yn fy mlaen efo madarch shitake sych a ffres.

Dros y ffordd oedd Emma o Village Veg, Waunfawr. Da ni'n cael sach wythnosol ganddyn nhw yn barod a'u llysiau nhw wnaethon ni ddefnyddio ( a gwerthu) yn Cegin cyn y 'dolig. Roedd hi'n gwerthu tatws glas ar gyfer eu hau ac mi brynais i ddwy baced ganddi i'r ardd.

Enillwyr gwobr Blas a Dawn Gwynedd oedd ar y stondin nesa sef fferm Tyddyn Dafydd, Pen Llŷn. Ges i focs o wyau i drio ganddyn nhw.

Roedd 'na dipyn o gynhyrchwyr cig yno - Traed Moch, Oinc Oink a Parc Glasfryn (lle wnes i bryni ffesant bach am chydig dros deirpunt) ond doedd na neb yn gwybod lle faswn i'n cael cyw iar free range i'r caffi yng Ngwynedd. Mae 'na gyfle i rywun fan'na swn i'n deud.

Ar ôl prynu botel o sudd Aerona (sy'n ofnadwy o iachus mae'n debyg) a chael hanes difyr iawn yr arbrawf i'w tyfu nhw yng Ngwynedd gan OP Huws. Mae'r llwyni'n tyfu'n dda ar dir sur on mae nhw eto i weld a fydd y fenter yn troi'n fusnesau llwyddiannus i'r tri tyfwr sy'n ran ohoni.
Cyn gadael gesi sgwrs ddifyr arall efo boi Kwrdaidd sy'n cadw becws Model ym Mlaenau Ffestiniog - wnes i ddim dal ei enw yn iawn ond mae o wedi patentio pastai Kwrdaidd oedd yn swnio'n hyfryd ond oedd, yn anffodus i mi, wedi hen gwerthu allan, fel yr oedd y bara, ond mi brynais i gacen cnau ffrengig a choffi i fynd adra at Steve.

Fedrai'm dod i Port heb sganio'r siopau elusennol ac mi ges i ambell i fargen i'r caffi ac i'r tŷ ar ôl bod ym mhob un.

Caffi'r Graig Fawr am salad bach, dau goffi, cacen 50c a thipyn bach o 'industrial espionage' wedyn - dwi'n meddwl wna'i ddwyn y cacenni 50c - a dwi'n barod i droi am adra i wneud rywbeth efo ffesant a madarch shitake...

O, a dwi di holi ambell un o'r cynhyrchwyr a fasen nhw'n licio dod i werthu mewn marchnad yng Nghaernarfon yn rheolaidd. Mi oedden nhw i gyd yn awyddus iawn. Mae 'na help wedi bod ar gael efo sefydlu un Port ond mae'r cynllun yna wedi dod i ben. Dwi'n siwr bod 'na ffordd o wneud i hyn weithio ac mae Mirain, sy'n gweithio i Annog am roi mwy o wybodaeth i mi yn fuan.

Gwyliwch y gofod!

Cwestiwn i bobl fasa'n dod i'r farchnad... ar ba ddiwrnod fyddech chi'n hoffi gweld marchnad bwydydd lleol yn dre?

jest yn trio chwarae efo'r app iMovie o'n i rili...